A oes modd mapio diwylliant? Beth a olygwn pan ddefnyddiwn eiriau cyfarwydd megis ‘unigolyn’, ‘bro’, a ‘chenedl’, a beth yw’r berthynas rhwng y cysyniadau hyn? Sut y mae diwylliant yn ymblethu â daearyddiaeth wrth greu a chynnal hunaniaethau lleol, cenedlaethol a rhyngwladol? Sut y mynegir hunaniaeth gan iaith a llenyddiaeth bro, a beth sydd yn digwydd wrth i bobl a thestunau groesi ffiniau? 

Dyma rai o’r cwestiynau y byddwn yn eu holi ar y modiwl hwn wrth inni ystyried ein perthynas â’r gofodau daearyddol gwahanol yr ydym yn byw a bod ynddynt.

1. dangos dealltwriaeth o amrywiaeth ddaearyddol, lenyddol, ieithyddol a diwylliannol y Cymry; 
2. gallu trafod yn hyderus gwahanol ddulliau o fynegi a mapio profiadau, cysyniadau a thystiolaeth yn ymwneud â’r Cymry a’r Gymraeg; 
3. gallu dadansoddi’r ffactorau daearyddol, hanesyddol a diwylliannol sy’n dylanwadu ar gymunedau a hunaniaethau y Gymraeg; 
4. trin data a thestunau amrywiol yn feirniadol o safbwynt cynnwys,  mynegiant a syniadaeth; 
5. dangos meistrolaeth ar Gymraeg ysgrifenedig safonol wrth gyflwyno gwaith mewn dull proffesiynol. 

Caiff y modiwl ei gyflwyno drwy ddulliau dysgu cyfunol a allai gynnwys cyfuniad o gyflwyniadau ar-lein, gweithdai trafod ar-lein, gweithgareddau dysgu digidol, a sesiynau wyneb-yn-wyneb.

Medrau academaidd 

• cywain gwybodaeth a’i gwerthuso er mwyn dod at gasgliadau addas 
• meddwl yn hyblyg a gwneud cysylltiadau rhwng gwahanol ffynonellau a meysydd o wybodaeth 
• elwa ar dderbyn adborth ar waith ffurfiannol a datblygu arno 

Medrau penodol y pwnc 

• trin tystiolaeth ddiwylliannol yn feirniadol o safbwynt dehongli’r maes  
• trafod yn feirniadol gysyniadau diwylliannol sy’n cyfoethogi dealltwriaeth o hunaniaethau y Cymry

Medrau Cyflogadwyedd  

• datblygu hyder wrth gynnull a chyflwyno gwybodaeth yn feirniadol ac yn eglur 
• gweithio mewn grwpiau ac fesul unigolyn wrth drafod testunau a thystiolaeth 
• crynhoi ac arfarnu cysyniadau a safbwyntiau gwahanol ac ymdrin â hwy yn ddadansoddol 
• cyfathrebu’n effeithiol ar lafar ac yn ysgrifenedig 

Ffurfiannol 

Bydd cyfle i gael adborth ar lafar i drafodaethau yn y dosbarth a rhai tasgau ysgrifenedig. Rhoddir adborth ysgrifenedig fesul unigolyn ar bob un darn o asesu crynodol. 

Crynodol 

Mae’r ddau brosiect yn rhoi cyfle i fyfyrwyr ymdrin mewn manylder ag agweddau llenyddol, diwylliannol ac ieithyddol a drafodir ar y modiwl, ynghyd â datblygu eu sgiliau academaidd megis ymchwilio i dystiolaeth a’i dadansoddi. (Deilliannau 1-5)

• Diwylliant amrywiol ardaloedd a chymunedau’r Gymraeg 
• Iaith a thafodiaith bro. 
• Perthynas tir, iaith a chof â chenedlaetholdeb, e.e. yng ngwaith J. R. Jones.  
• Arferion, cof a thraddodiadau gwerin amrywiol ardaloedd, e.e. y Blygain yng nghanolbarth Cymru a’r Fari Lwyd yn ne Cymru. 
• Mapio a gofod fel cysyniad yng ngwaith beirdd a llenorion Cymraeg, e.e. Iwan Llwyd, Angharad Price. 
• Hunaniaethau cymunedau a llenorion y tu hwnt i Gymru, megis y Wladfa