Prif nod y modiwl hwn yw rhoi’r cyfle ichi ddatblygu eich meistrolaeth ar Gymraeg llafar ac ysgrifenedig. Mae’r modiwl yn canolbwyntio ar ddatblygu eich sgiliau ysgrifennu, darllen a deall yn benodol. Byddwch hefyd yn parhau i ddatblygu eich gafael ar Gymraeg llafar gan feithrin hyder pellach i ddefnyddio’r iaith mewn gwahanol gyd-destunau.

Bydd y modiwl yn canolbwyntio ar ddatblygu eich sgiliau ysgrifennu yn y Gymraeg. Byddwch yn dysgu am gywirdeb ieithyddol ac am gyweiriau penodol. Cewch gyfle i atgyfnerthu a datblygu eich gwybodaeth am ramadeg y Gymraeg er mwyn cynhyrchu darnau ysgrifenedig clir a chywir. Fe’ch cyflwynir i gyweiriau iaith  perthnasol er mwyn rhoi’r arfogaeth ichi ysgrifennu yn effeithiol a chynhyrchu dogfennau clir a phwrpasol.

Byddwch yn parhau i ddatblygu eich sgiliau llafar yn ystod y modiwl. Cewch gyfle i feithrin hyder pellach wrth ddefnyddio’r iaith mewn cyd-destunau anffurfiol ond hefyd wrth gyflwyno gwybodaeth mewn cyd-destunau mwy ffurfiol, mewn seminar er enghraifft.

Mae’r gallu i fynegi eich hun yn glir ac yn gywir yn sgil pwysig ar gyfer cynhyrchu dogfennau ysgrifenedig perthnasol ar eich cwrs gradd ac ar gyfer y gweithle. Bydd y modiwl hwn yn eich cynorthwyo i gyrraedd y nod hwnnw ac yn parhau i feithrin eich hyder wrth ddefnyddio’r iaith.

1     ysgrifennu’n glir ac yn effeithiol

2     deall rhai o brif reolau gramadegol yr iaith

3     cymhwyso gwybodaeth ramadegol i’w hiaith ysgrifenedig

4     darllen gwahanol destunau ac ymateb iddynt yn briodol, ar lafar ac yn ysgrifenedig

5     defnyddio’r Gymraeg yn hyderus ar lafar mewn sefyllfaoedd gwahanol 

Caiff y modiwl ei gyflwyno drwy gyfuniad o weithdai iaith, gweithdai ysgrifennu a sesiynau trafod ynghyd â defnydd o ddeunyddiau electronig. Bydd y gweithdai iaith yn cyflwyno rhai o brif egwyddorion gramadeg Cymraeg safonol er mwyn rhoi’r arfogaeth ichi gynhyrchu darnau ysgrifenedig clir a phwrpasol. Rhoddir cyngor ac adborth ar eich gwaith yn ystod y gweithdai ysgrifennu. Bydd y sesiynau trafod yn rhoi cyfle ichi ddatblygu eich sgiliau llafar mewn cyd-destunau ffurfiol ac anffurfiol. Bydd deunyddiau electronig yn cefnogi’r dysgu.

Wedi cwblhau’r modiwl, bydd myfyrwyr nodweddiadol yn gallu:

Medrau academaidd

·         dadansoddi iaith

·         deall rhai o brif egwyddorion gramadeg Cymraeg safonol

·         adnabod mathau gwahanol o gyweiriau iaith

Medrau penodol y pwnc

·         defnyddio cyfeirlyfrau ieithyddol a phecynnau meddalwedd electronig i’w cynorthwyo i loywi eu hiaith.

·         arddangos hyder cynyddol yn eu meistrolaeth ar Gymraeg llafar.

Medrau cyflogadwyedd

·         gallu cyfathrebu’n hyderus yn y Gymraeg, ar lafar ac yn ysgrifenedig

·         gallu llunio dogfennau ysgrifenedig clir a phwrpasol

·         gallu ymateb i wahanol sefyllfaoedd

·         defnyddio offer cywiro iaith ar y cyfrifiadur i loywi iaith 

Ffurfiannol

Bydd cyfle i gael adborth cyson ar dasgau a gwblheir yn y dosbarth ac a wneir yn annibynnol. Bydd cyfle i gael adborth llafar fesul unigolyn er mwyn targedu eich anghenion personol.

Crynodol

Asesir y modiwl drwy gyfrwng profion dosbarth a ffolio o waith. Bydd y profion dosbarth yn gofyn ichi ymateb ar lafar i wahanol gyd-destunau a bydd y ffolio yn gofyn ichi gwblhau ymarferion gramadegol, cymhwyso’r rheolau gramadegol i’ch iaith lafar drwy gyfrwng sgwrs, gwerthuso eich cynnydd a gosod targedau ar gyfer y dyfodol. 

·         cyflwyniad i batrymau ysgrifenedig cywir

·         cywain gwybodaeth ar gyfer llunio gwahanol ddarnau ysgrifenedig

·         ymarferion ysgrifenedig

·         ymarferion llafar, gwrando a deall

·         cyweiriau iaith

·         geirfa

·         sut i loywi eich iaith ysgrifenedig

·         cymhorthion gloywi electronig – CySill

·         ymarferion gramadegol electronig

GRIFFITHS, gyda JONES, Dafydd Glyn. gol. 1995 (ac argraffiadau diweddarach). Geiriadur yr Academi. Caerdydd: Gwasg Prifysgol Cymru

IFANS, Rhiannon. 2006.Y Golygiadur. Aberystwyth:Cymdeithas Lyfrau Ceredigion

LEWIS, D. Geraint. 1998. Y Treigladur. 3^ydd argr., Llandysul: Gwasg Gomer

—   2000. Y Llyfr Berfau. 4^ydd argr., Llandysul: Gwasg Gomer

—   2000. Pa Arddodiad?. Llandysul: Gwasg Gomer

THOMAS, Peter Wynn. 1996. Gramadeg y Gymraeg.Caerdydd: Gwasg Prifysgol Cymru